एमालेबाहेकका दलद्वारा संवैधानिक परिषद् सम्बन्धी अध्यादेशविरुद्ध सूचना दर्ता

काठमाडौं । संघीय संसद सचिवालयमा संवैधानिक परिषद् सम्बन्धी अध्यादेशविरुद्ध विरोधमा सूचना दर्ता गरिएको छ ।

प्रतिनिधिसभामा दर्ता भइसकेको उक्त अध्यादेशविरुद्ध नेकपा एमाले बाहेकका दलले मंगलबार विरोधको सूचना दर्ता गराएका हुन् ।

अध्यादेशविरुद्ध विरोधको सूचना दर्ता गर्नेमा प्रमुख प्रतिपक्षी कांग्रेस, माओवादी केन्द्र र जनता समाजवादी पार्टी छन्। नेपाली कांग्रेसका तर्फबाट कांग्रेसकी सचेतक पुष्पा भुसाल, माओवादी केन्द्रका तर्फबाट सन्त थारू, दुर्गाकुमारी विक, यशोदा सुवेदी र टेकबहादुर बस्नेतले विरोधको सूचना दर्ता गराएका हुन् ।

त्यस्तै, जसपाका तर्फबाट लक्ष्णलाल कर्ण र मोहम्मद इस्तियाक राईले विरोधको सूचना दर्ता गराएका हुन्।

पुन:स्थापनापछि फागुन २३ गते बसेको संसद बैठकमा उक्त अध्यादेश टेबुल भएको थियो । त्यसको विरोधमा कांग्रेसले रोष्टम घेरेर नाराबाजी गरेको थियो भने प्रचण्ड-माधवतिरका सांसदले बहिष्कार गरेका थिए ।

प्रतिक्रिया

Leave a Reply

Your email address will not be published. Required fields are marked *