प्रधानमन्त्री तथा एमाले अध्यक्ष ओलीको प्रतिक्रिया–अदालतको फैसला मान्छौं (भिडियो)

काठमाडौं । प्रधानमन्त्री तथा नेकपा एमालेका अध्यक्ष केपी शर्मा ओलीले सर्वोच्च अदालतको फैसला मानेर अघि बढ्ने प्रतिक्रिया दिएका छन् । संसद भवनमा केहीबेर बसेर बाहिरिने क्रममा सञ्‍चारकर्मीसँग कुरा गर्दै ओलीले अदालतले जे फैसला गरेको छ त्यसलाई मान्ने बताए ।

ओलीले भने, ‘हामीले हिजो पनि सर्वोच्च अदालतको फैसला मानेका हौं र अब पनि जे फैसला आएको छ त्यसलाई मान्छौं । पूर्णपाठ मैले हेर्न पाएको छैन ।’

अदालतले एमाले र माओवादीलाई पहिलेकै अवस्थामा फर्काइदिएको छ । ओली प्रसन्न मुद्रामा संसदमा छिरेका थिए । ओली पक्षले अदालतको फैसलालाई आफ्नो जितको रूपमा लिएको छ । ओलीपक्षीय सांसद महेश बस्नेतले फेसबुकमा संसदभित्र आफू बसेको फोटो राख्दै एमालेको सांसदको रूपमा संसदमा प्रवेश भनेका छन् ।

प्रतिक्रिया

Leave a Reply

Your email address will not be published. Required fields are marked *