अदालतकाे फैसलाप्रति देव गुरुङको टिप्पणी- बेठिक टाइममा न्याय दिने काम भयो – Nepal Press

अदालतकाे फैसलाप्रति देव गुरुङको टिप्पणी- बेठिक टाइममा न्याय दिने काम भयो

काठमाडौं । नेपाल कम्युनिष्ट पार्टी नेकपा प्रचण्ड-माधव पक्षका नेता एवं संसदीय दलका मुख्य सचेतक देव गुरुङ्गले ओली प्रचण्ड नेतृत्वको नेपाल कम्युनिष्ट पार्टी नेकपा खारेज गर्ने सर्वोच्च अदालतको फैसलालाई ‘बेठिक टाईम’ को न्यायको संज्ञा दिएका छन् ।

संसदीय दलका नेता परिर्वतनको सूचना दर्ता गराएर निस्कँदै गर्दा संसद सचिवालय सिंहदरबारमा संचारकर्मीलाई फैसला बारे प्रारम्भिक प्रतिक्रिया दिँदै नेता गुरुङ्गले सो टिप्पणी गरेका हुन् ।

उनले अदालतको फैसलाले दलको आधिकारिकता सम्बन्धी निर्वाचन आयोगको ‘डेडलक’ लाई अझै मद्दत पुग्न सक्ने बताए । फैसलासँगै पूर्व नेकपा एमाले र पूर्व माओवादी केन्द्रलाई ब्युँताई यथास्थानमा गयो भन्न नमिल्ने तर्क गरे ।

उनले पार्टी एकीकरणपछि ३ वर्ष धेरै कामहरू भएको र त्यसलाई सरकारले पनि स्वामित्वमा लिएकाले नाम परिवर्तन हुँदैमा एकीकरणका सबै अहयव मेटिन नसक्ने उल्लेख गरे ।

उनले भने,‘जुन परिस्थितिमा आएर फैसला गरेको छ यसले नेपाल कम्युनिष्ट पार्टी (नेकपा) को निर्वाचन आयोगमा परिरहेको बहसको सम्बन्धमा केही-केही प्रभाव पार्न सक्छ भन्ने लाग्छ । अहिले चाँही उपयुक्त समय हो भन्ने देखिँदैन । न्याय इनटाईममा दिनुपर्‍थ्यो । बेठिक टाइममा चाहीँ न्याय दिने काम भयो । यसले के कस्तो साइडइफेक्टहरु  पार्छ हामीले हेरेर मात्रै पछि प्रतिक्रिया दिउँला । यसले निर्वाचन आयोगको ‘डेडलकलाई अझ मद्दत पुग्न सक्छ । यथास्थितिमा सायद जाँदैन । नामको बारेमा मात्रै गरेको हो ।’

उनले सर्वोच्च अदालतको फैसलालाई नमान्ने कुरा नभएपनि यसले विभिन्न ठाउँमा साइडइफेक्ट पार्ने बताए ।

 


प्रतिक्रिया

Leave a Reply

Your email address will not be published. Required fields are marked *

सम्बन्धित खवर