चिनियाँ कम्युनिष्ट पार्टीको बैठक सुरु, तीन मुख्य एजेन्डा : अर्थतन्त्र, हङकङ र अमेरिका

बेइजिङ- चीनले स्वशाषित क्षेत्र हङकङलाई अझै कडाइ गर्ने संकेत दिएको छ । शुक्रबारदेखि बेइजिङस्थित ग्रेट हल अफ दी पिपुलमा सुरु हुने चिनियाँ कम्युनिष्ट पार्टीको वार्षिक सभामा हङकङ मुख्य एजेन्डा छ ।

चिनियाँ संचारमाध्यमका अनुसार चिनियाँ कम्युनिष्ट पार्टीको उक्त सभासँग मुख्य तीन एजेन्डा छन् : अर्थतन्त्र, हङकङ र अमेरिकासँगको सम्बन्ध ।

चिनियाँ कम्युनिष्ट पार्टीको सबैभन्दा ठूलो उक्त भेलामा राष्ट्रपतिले सरकारको प्राथमिकता र निर्देशनलाई लिएर सम्बोधन गर्ने भएका छन् । ३,००० प्रतिनिधि सहभागि हुने उक्त भेलाले चीनको आगामी विश्व एवं घरेलु रणनीति तय गर्नेछ ।

अर्थतन्त्र मुख्य एजेन्डा
शुक्रबार चिनियाँ प्रधानमन्त्री लि खच्याङले उद्घाटन समारोहलाई सम्बोधन गर्दैछन् । कोभिड–१९ महामारीको कारण गतवर्ष आर्थिक वृद्धिको लक्ष्य घोषणा गरिएको थिएन । यो सभाबाट चीनले आर्थिक वृद्धि र विश्व अर्थ कुटनीतिका बारेमा केही घोषणा गर्ने अपेक्षा छ ।

दोस्रो ठूलो अर्थतन्त्र चीनको अर्थतन्त्र मात्र गतवर्ष नाफामा थियो ।

हङकङको चुनाव प्रणाली
बीबीसीका अनुसार सरकारप्रति विश्वासिला र देशभक्ति भावनाले प्रेरितलाई मात्र हङकङ सरकारमा निर्वाचित हुने गरि कानुन परिवर्तन गर्ने अपेक्षा गरिएको छ । यसको अर्थ स्वशाषित थलो हङकङप्रति चीन अझै अनुदार हुने संकेत हो । हङकङका प्रतिपक्षीलाई रोकेर केन्द्रकै नियन्त्रणमा सरकार चलाउने चिनियाँ उद्देश्य देखिन्छ ।

उक्त भेलाले चुन्ने विधायकी आयोगलाई प्रतिनिधि चुन्ने र निर्वाचित गर्ने अधिकार प्रदान गरिएको छ । उक्त चुनाव कमिटीले सरकारप्रति विश्वासिला मान्छेलाई मात्र चुन्न सक्ने आशंका व्यक्त गरिएको छ । थप ७० विधायक चुन्ने र यसको जिम्मा सरकारद्धारा गठित कमिटीलाई प्रदान गरिएको जनाइएको छ ।

अमेरिकासँगको सम्बन्ध र सेना
चिनियाँ कम्युनिष्ट पार्टीको भेला यस्तो समयमा हुँदैछ, जतिबेला चीन–अमेरिका सम्बन्ध सुधारतर्फ अग्रसर छ । अघिल्ला अमेरिकी राष्ट्रपति डोनाल्ड ट्रम्पको बेला चीनसँग उसको सम्बन्ध तनावपूर्ण थियो । ब्यापार र प्रविधि क्षेत्रमा दबाब कायम राख्दै वर्तमान अमेरिकी राष्ट्रपति जो बाइडेन चीनसँग संवादको वातावरण सुरु गरेका छन् ।

तर, ताइवान र हङकङको समस्या समाधान गर्न चीनले अमेरिकी समर्थन नखोज्नेजस्तो संकेत दिएको छ । चीनले हालै उसको सामुन्द्रीक क्षेत्रमा हुने विदेशी उपस्थितीलाई प्रतिवाद गर्न आफ्नो जलसेना (कोस्ट गार्ड)लाई अनुमति दिइसकेको छ ।

साथै, चिनियाँ कम्युनिष्ट पार्टीको भेलाले जलवायु परिवर्तन र अर्थतन्त्रमा केन्द्रित रहेर अन्य निर्णय पनि गर्नसक्ने अपेक्षा गरिएको छ ।

प्रतिक्रिया

Leave a Reply

Your email address will not be published. Required fields are marked *