नेविसंघको अनसनमा प्रचण्ड-माधव पक्षको समर्थन – Nepal Press

नेविसंघको अनसनमा प्रचण्ड-माधव पक्षको समर्थन

काठमाडौं । नेपाली कांग्रेसको भ्रातृ संस्था नेपाल विद्यार्थी संघले त्रिभुवन विश्वविद्यालयस्थित उपकुलपतिको कार्यालयमा गरिरहेको अनसनमा नेकपा प्रचण्ड-नेपाल पक्षका अध्यक्ष माधवकुमार नेपालले ऐक्यवद्धता जनाएका छन्।

बिहीबार दिउँसो अनसनस्थल पुगेका नेपालले ऐक्यवद्धता जनाउँदै मागहरूप्रति आफ्नो समर्थन रहेको बताएका छन्। नेविसंघका नेता ई.भुवन भट्टका अनुसार नेपालले अनसनस्थल आएर मागहरूप्रति समर्थन जनाएका हुन् ।

राजनीतिक नियुक्तिले विश्वविद्यालयहरू बिग्रिएका छन्,’ नेपालले नेविसंघ नेताहरूसँग भने।

त्रिविमा पदाधिकारी नियुक्तिमा राजनीतिक नियुक्ति हुने गरेका छन्। नेविसंघले एक महिनादेखि उपकुलपति कार्यालयको ढोकैमा रिले अनसन गरिरहेको छ।

स्वतन्त्र विद्यार्थी युनियनको निर्वाचन तत्काल घोषणा गर्नुपर्ने, कोभिड-१९ को कारणले लामो समयपछि भएको परीक्षा र त्रिविको नजिता प्रकाशनमा हुने ढिलासुस्तीले विद्यार्थीहरुको शैक्षिक सत्र गुम्ने अवस्था भएकोले परीक्षा भएको एक महिनाभित्र नतिजा प्रकाशनको सुनिश्चितता गर्नुपर्नेलगायत माग नेविसंघको छ।

त्रिविको क्यालेन्डर अनुसारको नयाँ भर्ना प्रक्रिया सुचारु गर्न पनि उनीहरूले माग राखेका छन्। यस्तै नेविसंघ त्रिवि समिति र त्रिविबीच भएको २३ बुँदे सहमति कार्यान्वयन गर्नसमेत उनीहरूले माग गर्दै आएका छन्।

त्रिवि उपकुलपति माग पूरा गर्नुको साटो कार्यालय आउन छोडेर गैरजिम्मेवार वनेका छन, हाम्रा माग पूरा नभए सम्म अनसन जारी रहने नेविसंघ पुर्वकेन्द्रीय सदस्य प्रेमिका राना मगरले जनाए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर