सुर्खेतमा सात हजारलाई ‘कोभिसिल्ड’ लगाइयो – Nepal Press

सुर्खेतमा सात हजारलाई ‘कोभिसिल्ड’ लगाइयो

सुर्खेत । जनस्वास्थ्य सेवा कार्यालय सुर्खेतले माघ १४ गतेदेखि हालसम्म कोरोना विरुद्धको खोप ‘कोभिशिल्ड’ ७ हजार ४७५ जनालाई लगाएको जनाएको छ ।

वरिष्ठ जनस्वास्थ्य अधिकृत चेतननीधि वाग्लेका अनुसार पहिलो चरणमा माघ १४ देखि २४ गतेसम्म २३४० र फागुन २ देखि १० गतेसम्म ५ हजार १३५ जनालाई खोपको पहिलो डोज लगाइसकिएको छ । दोश्रो डोज बैसाख पहिलाे सातादेखि १५ गतेसम्म लगाईने उनको भनाई थियो ।

यसैबीच फागुन २३ गते देखि सुर्खेतमा ६५ वर्ष भन्दा माथिका सर्वसाधारणलाई खोप लगाइने भएको छ ।

‘पहिले छुटेका र ६५ वर्ष भन्दा माथिका नागरिकलाई फागुन २३ गतेबाट खोप लगाउन सुरु गर्दैछौं ।’ उनले भने, ‘सुर्खेतमा सो उमेर समूहका २४ हजार ९७६ जना रहेका छन् । यो खोप लगाउन २५६ जना स्वास्थ्यकर्मी, ६०० जना भन्दा बढी स्वंयसेवक र चार वटा चिकित्सक टोली खटाउने योजना बनाएका छौं ।’

उनले खोपका लागि जिल्लामा २०५७ भायल आएको बताउँदै प्रति भायल १० जनालाई खोप लगाउन सकिने बताए ।
सुर्खेत जिल्लामा कोरोनाका कारण हालसम्म २२ जनाको मृत्यृ भएको छ । तीन जना नेपालगन्ज तथा काठमाडौंका अस्पतालमा मृत्यृ भएको जनस्वस्थ्य सेवा कार्यालयले जनाएको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर