पढाइमा सेलेव्रिटी : करिश्मा १२ कक्षा भर्ना, सपना कानून पढ्दै – Nepal Press

पढाइमा सेलेव्रिटी : करिश्मा १२ कक्षा भर्ना, सपना कानून पढ्दै

काठमाडौं । वेवारिसे शव व्यवस्थापन गरेर विश्व चर्चित बनेकी सपना रोका मगर र अभिनेत्री करिश्मा मानन्धर अहिले पुनः मिडियाको हेडलाइनमा छन् ।

आ-आफ्नो कर्मद्वारा लोकप्रिय बनेका यी दुई पात्रको पछिल्लो चर्चा भने ज्ञान आर्जन गर्ने कार्यसँग जोडिएको छ । उमेरले ४० कटेकी करिश्मा मानन्धर १२ कक्षा पढ्दैछिन् ।

गोदावरी घर नजिकैको किटिनी कलेजमा करिश्मा पढ्छिन् र उनी बैशाखमा हुने परिक्षाको तयारीमा छिन् । उच्च शिक्षा पनि सोही कलेजबाट गर्ने करिश्माले नेपालप्रेसलाई बताइन् ।

पूर्वमिस नेपाल श्रृंखलाले हावर्ड युनिभर्सिटीमा पढ्ने

वेवारिसे शव व्यवस्थापन गरेर बीबीसीको सय प्रभावशाली महिलाको सूचिमा परेकी मगर चाहिँ बानेश्वरको हिमालयन ह्वाइट हाउस कलेजमा भर्ना भएकी छिन् । पूर्ण छात्रवृत्तिमा कलेजले उनलाई कानुन विषयमा भर्ना गराएको छ ।

अध्ययनसँगै कामलाई पनि सँगै अघि बढाउने योजना रहेको सपनाले नेपाल प्रेसलाई बताइन् । सपनाले २०७३ सालदेखि पढाइ छाडेकी थिइन् । नेपाली समाजका यी दुई नारी पात्रको पढाइ प्रतिको लगावले अन्यलाई पनि प्रेरणा मिल्ने विश्वास गरिन्छ ।

पूर्वमिस नेपाल श्रृंखला खतिवडा सहरी योजना विषय अध्ययनका लागि प्रतिष्ठित हावर्ड विश्विद्यालयमा भर्ना भएकी छिन् । जहाँ उनले स्नातकोत्तर अध्ययन गर्नेछिन् ।

प्रतिक्रिया

Leave a Reply

Your email address will not be published. Required fields are marked *