ताप्लेजुङका आगलागी पीडितलाई तत्काल राहात पुर्याउन सरकार समक्ष भट्टराईको माग
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2020/12/yogesh-bhattrai5.jpg)
काठमाडौं। ताप्लेजुङको दोभान बजारमा भएको आगलागीबाट पीडितलाई भूकम्प पीडित सहर राहात तथा क्षतिपुर्ती उपलब्ध गराउन नेपाल कम्युनिष्ट पार्टी (प्रचण्ड–माधव पक्ष) का नेता योगेश भट्टराईले माग गरेका छन्।
ताप्लेजुङबाट निर्वाचित जनप्रतिनिधि समेत रहेका भट्टराईले आगलागीबाट भएको क्षतिप्रति दुःख व्यक्त गर्दै दीर्घकालीन पुर्नस्थापनाका लागि भूकम्प पीडित सहर राहत उपलब्ध गराउन सरकारसँग माग गरेका हुन्।
उनले पीडितका लागि आफ्नो तर्फबाट सक्दो सहयोग गर्ने प्रतिवद्धता समेत जनाएका छन्। ताप्लेजुङको दोभान बजारमा आज बिहान करिब साढे ९ बजेदेखि शुरू भएको आगलागीबाट ४७ घर जलेर नष्ट भएका छन् भने ७९ घर परिवार विस्थापित भएका छन्।