जयनेपाल सधैंका लागि बन्द, देशभरका १० प्रतिशत फिल्म हल संचालनमा नआउने – Nepal Press

जयनेपाल सधैंका लागि बन्द, देशभरका १० प्रतिशत फिल्म हल संचालनमा नआउने

काठमाडौं । नेपाल चलचित्र संघले कोभिड कहरपछि मुलुकका १० प्रतिशत हल सधैंका लागि बन्द हुने जनाएको छ ।

संघका कोषाध्यक्ष देवेन्द्र खड्गीका अनुसार सरकारले राहत उपलब्ध गराउन नसक्दा ती हल बन्द भएको बताए । महामारीपछि बन्द हुने हलमा मोफसलका अधिकांश एकल पर्दा छन् ।

सबैभन्दा ठूलो मल्टिप्लेक्स चेन क्यूएफएक्सले २० वर्ष पुरानो जयनेपाल फिल्म हल सधैंका लागि बन्द गरेको छ । क्वेस्ट इन्टरटेनमेन्ट प्रमुख नकिम उद्दिनले कोभिड महामारीपछि हललाई बन्द गरिएको बताए ।

जयनेपालका सबै सामानहरु पनि विक्री भैसकेको उनले जनाए । नेपालमा अंग्रेजी फिल्म हेर्ने र मल्टिप्लेक्स संस्कृति सुरुआत गर्ने श्रेय जयनेपाललाई जान्छ । शहरिया सम्भ्रान्त वर्गलाई हलसम्म तान्ने कोसेढुंगाको रुपमा जयनेपालको योगदान छ ।

क्वेस्ट इन्टरेनमेन्टले फिल्मले लय समात्दै गए कुमारी हललाई चाँडै संचालनमा ल्याउने तयारी गरेको छ । प्रमुख उद्दिनका अनुसार क्यूएफएक्सको बीरगंज आउटलेट पनि चाँडै संचालनमा आउनेछ । अहिले कर्मचारी कटौती गरेर क्यूएफएक्सले सीमित आउटलेटर्ला संचालनमा ल्याएको छ ।

अहिले मुलुकमा १२० भन्दा बढी हल संचालनमा छन् ।

महामारीपछि भारत र चीनका पनि दशौं हजार फिल्म हल बन्द भएका छन् र बन्द हुनेमा अधिकांश सिंगल थिएटर छन् ।


प्रतिक्रिया

Leave a Reply

Your email address will not be published. Required fields are marked *