देशकै ठूलो औद्योगिक क्षेत्र शिलान्यास गर्न प्रधानमन्त्री गृहजिल्ला जाँदै – Nepal Press

देशकै ठूलो औद्योगिक क्षेत्र शिलान्यास गर्न प्रधानमन्त्री गृहजिल्ला जाँदै

काठमाडौं । नेपालकै ठूलो औद्योगिक क्षेत्र शिलान्यास गर्न प्रधानमन्त्री केपी शर्मा ओली आज गृहजिल्ला झापा जाँदैछन् ।

दमक,कमल र गौरादह तीनवटा नगरपालिकाको संगमस्थल झर्कामा निर्माण हुने नेपाल चीन मैत्री औद्योगिक पार्क सरकारले स्थापना गर्न लागेका ६ वटा औद्योगिक क्षेत्रमध्येको सबैभन्दा ठूलो हो । यो औद्योगिक क्षेत्र प्रधानमन्त्री ओलीको निर्वाचन क्षेत्रमा पर्छ ।

रोजगारी, लगानी र क्षेत्रफलका आधारमा नेपालको सबैभन्दा ठूलो औद्योगिक क्षेत्र भएकाले सो पार्क मुलुकको नमुना हुने बताइएको छ । सो पार्कले झापामा मात्रै नभएर देशमै औद्योगिक क्रान्तिको सुरूआत गर्ने दमक नगरपालिकाकी उपमेयर गीता अधिकारीले बताइन् ।

१ हजार ३ सय बिघा क्षेत्रफल निजी जग्गा अधिग्रहण गरेर नेपाल सरकारले पार्क बनाउन लागेको हो । पार्कमा ६५ अर्ब चिनियाँ लगानी भित्र्याउन सरकारले स्वीकृति प्रदान गरिसकेको र शिलान्यास भएको दुई वर्षभित्र संरचना बनिसक्ने बताइएको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर