अर्थमन्त्रालयका सहसचिव हेरफेर, भन्सार विभागका महानिर्देशक अर्थमन्त्रालय तानिए
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/02/848-arthamantralya.jpg)
काठमाडौं । अर्थमन्त्रालय अन्तर्गत रहेका महाशाखा तथा विभागका कर्मचारीको सरुवा गरिएको छ । यसअघिका भन्सार विभागका महानिर्देशक सुमन दाहाललाई मन्त्रालयको योजना अनुगमन तथा मूल्याङ्क महाशाखामा तानिएको छ।
मन्त्रालयका आर्थिक नीति तथा विष्लेषण महाशाखा प्रमुख यमलाल भुसाल भन्सार विभागको महानिर्देशकको जिमेवारी दिइएको छ । त्यस्तै, डा रामप्रसाद घिमिरेलाई आर्थिक नीति तथा विष्लेषण महाशाखामा ल्याइएको छ । राजस्व अनुसन्धान विभागका महानिर्देशक दीर्घराज मैनालीलाई वित्तीय क्षेत्र व्यवस्थापन तथा संस्थान समन्वय महाशाखाको जिम्मेवारी दिइएको छ ।
त्यस्तै, एयरपोर्ट भन्सारमा लक्ष्मीप्रसाद निरौला, आन्तरिक राजस्व विभागका उपनिर्देशकमा आनन्द काफ्ले र शम्भु मरासैनीलाई सरुवा गरिएको अर्थमन्त्रालयले जनाएकाे छ । यसअघि वित्तीय क्षेत्र व्यवस्थापन तथा संस्थान समन्वय महाशाखाका प्रमुख झक्क प्रसाद आचार्यलाई आन्तरिक राजस्व विभागको महानिर्देशकमा नियुक्त गरिएको थियो ।