स्वस्तिमा खड्का दक्षिण भारतीय फिल्ममा अनुबन्धित

काठमाडौं । अभिनेत्री स्वस्तिमा खड्का दक्षिण भारतीय फिल्म ‘थिरिमाली’मा अनुबन्धित भएकी छिन् । विहिबार काठमाडौंमा रहेको निर्माता टोली र स्वस्तिमाबीच लिखित सम्झौता भयो ।

निर्माणमा दक्षिण भारतीय फिल्म निर्माण कम्पनी एन्जल मारिया सिनेमाज् र नेपालको अनन्या फिल्मस्ले सहकार्य गरेको छ । स्वस्तिमा अनुबन्धित हुँदाको क्षणमा दुवै निर्माण कम्पनीका प्रतिनिधि सहभागी थिए ।

फिल्ममा स्वस्तिमाको भूमिकालाई गोप्य राखिएको छ । अनन्या फिल्मस्का सरोज न्यौपानेका अनुसार फिल्मको ७० प्रतिशत छायांकन नेपालमा हुनेछ । काठमाडौं र मुस्ताङमा फिल्मांकन हुने जनाइएको छ ।

आगामी मार्चदेखि छायांकन सुरु हुने जनाइएको छ । राजिव सेठ्ठीले निर्देशन गर्ने फिल्ममा बिपिन गर्ज, अन्ना राजन, धर्माजन बोलगटीको मुख्य भूमिका छ ।