सर्वोच्चको फैसलाले मन्त्रिपरिषद्का अन्य निर्णय प्रभावित हुँदैनन् : भीमार्जुन आचार्य – Nepal Press

सर्वोच्चको फैसलाले मन्त्रिपरिषद्का अन्य निर्णय प्रभावित हुँदैनन् : भीमार्जुन आचार्य

काठमाडौं । संविधानविद् डा. भीमार्जुन आचार्यले सर्वोच्च अदालतको फैसलाले मन्त्रिपरिषद्‍बाट भएका चुनावसँग सम्बन्धितबाहेक अन्य निर्णय प्रभावित नहुने बताएका छन् । साथै सर्वोच्चमा विचाराधीन रहेका विषयहरू भने प्रक्रियागतरूपमै निरुपण हुने उनको भनाइ छ ।

नेपाल प्रेससँग आचार्यले भने, ‘मन्त्रिपरिषद्‍ले गरेका निर्णय स्वतः खारेज हुँदैन, त्यस्तो स्वतः खारेज हुने कानूनी व्यवस्था छैन । सबै प्रक्रियामा गएर पूरा हुन्छ । सरकारले गरेका कतिपय निर्णयविरुद्ध सर्वोच्च अदालतमा मुद्दा परेको छ र ती सबै विचाराधीन अवस्थामा छन् । तिनीहरूको निरुपण सर्वोच्चबाटै हुनेछ ।’

सर्वोच्चले नै समय तोकिदिएकाले अब मन्त्रिपरिषद्ले संसद बोलाउने निर्णय गरिरहनु नपर्ने उनको टिप्पणी छ । संवैधानिक एवम् कानूनीरूपमा हेर्दा प्रधानमन्त्री केपी शर्मा ओलीले नैतिकताको आधारमा राजीनामा दिनुपर्ने आचार्य बताउँछन् ।

‘यसमा प्रधानमन्त्रीले असहमति प्रकट गर्न सक्छन् तर नमान्ने भन्ने हुँदैन’ आचार्यले भने । संकटकाल लाग्न सक्ने सम्भावनालाई उनले नकारे ।

‘त्यस्तो भयो भने कानूनको हद नाघेको मानिन्छ । अब जे गर्ने हो सबै सदनले नै गर्छ । अब सीधै राष्ट्रपतिले सदन बोलाउने हो ।’

प्रतिक्रिया

Leave a Reply

Your email address will not be published. Required fields are marked *