‘बी’ डिभिजन लिग पुन: सुचारु, नयाँबस्तीसँग मध्यपुर पराजित

काठमाडौं । कोरोना भाइरसको महामारीका कारण झण्डै एक वर्ष स्थगित भएको शहीद स्मारक ‘बी’ डिभिजन लिग मंगलबारदेखि पुनः सुचारु भएको छ । एक वर्षपछि सुरु भएको लिगमा पनि मध्यपुर युथ एसोसिएसनले जहाँ रोकिएको त्यहीँबाट सुरु गरेको छ ।

गत वर्ष ‘बी’ डिभिजन लिग स्थगित हुनुभन्दा अगाडिको (अन्तिम) खेल २०२० को मार्च १३ मा रानीपोखरी कर्नर टिम (आरसीटी)विरुद्ध खेलेको थियो । त्यो खेलमा ३–० को हार बेहोरेको मध्यपुरले मंगलबार नयाँबस्ती युथ क्लबसँग २–१ को पराजय बेहोरेको छ ।

एक वर्षपछि सातदोबाटोस्थित एन्फामा उत्रिएको नयाँ बस्तीका लागि सातौं मिनेटमा सचु गुरुङले गोल गर्दै अग्रता दिलाएका थिए । खेलको सुरुआतमै १–० ले पछाडि परेको मध्यपुरका लागि भुपासिंह गुरुङले ५७औं मिनेटमा पेनाल्टीमार्फत् गोल गर्दै बराबरीमा ल्याएका थिए ।

तर, ७९औं मिनेटमा अबय धिमालले गरेको गोलसँगै नयाँबस्तीले रोमाञ्चक जित हासिल गर्‍यो । जितसँगै ६ खेलबाट ११ अंक जोडेको नयाँबस्ती लिग तालिकाको चौथो स्थानमा उक्लिएको छ । पराजित मध्यपुर समान ६ खेलबाट १ अंक मात्रै जोडेर तालिकाको पुछारमा छ ।

लिग लिडर सातदोबाटो युथ क्लबलको ६ खेलबाट १६ अंक छ भने दोस्रो स्थानको खुमलटार युथ क्लबले ५ खेलबाट १३ अंक जोडेको छ । तेस्रो स्थानको बाँसबारी युथ क्लबको ५ खेलबाट ११ अंक छ।

प्रतिक्रिया

Leave a Reply

Your email address will not be published. Required fields are marked *