प्रधानमन्त्रीले गरे दैजीछेला औद्योगिक क्षेत्रको शिलान्यास

कञ्‍चनपुर । प्रधानमन्त्री केपी शर्मा ओलीले कञ्चनपुरको दैजीछेला औद्योगिक क्षेत्रको शिलान्यास गरेका छन् ।

आज कञ्चनपुरको निर्माणस्थलमै पुगेर प्रधानमन्त्रीले औद्योगिक क्षेत्रको शिलान्यास गरेका हुन् ।

८ अर्ब स्वदेशी लगानीमा निर्माण सम्पन्न गर्ने सरकारको योजना रहेको छ भने यसको क्षेत्रफल ४५० बिघा रहेको छ ।

पहिलो पटक प्रदेशमा निर्माण हुने औद्योगिक क्षेत्रको प्रदेशको मात्रै नभई मुलुकै व्यापार घाटा कम गर्न मद्दत गर्ने विश्वास गरिएको छ ।

एकैपटक चार प्रदेशमा पाँचवटा औद्योगिक क्षेत्र स्थापना गर्ने सरकारको लक्ष्य अनुरुप दैजीछेला औद्योगिक क्षेत्रको शिलान्यास गरिएको हो । औद्योगिक क्षेत्रहरूको शिलान्यासका लागि फागुन १० , ११ , १३, १४ र १६ गते औद्योगिक क्षेत्र शिलान्यास गर्ने कार्यक्रम तय भएको छ ।

पाँचमध्ये प्रधानमन्त्रीले दुई वटा, अर्थमन्त्री विष्णु पौडेलले एउटा र उद्योगमन्त्री लेखराज भट्टले दुईवटा औद्योगिक क्षेत्रहरूको शिलान्यास गर्ने कार्यक्रम तय भएको औद्योगिक क्षेत्र व्यवस्थापन लिमिटेडका अध्यक्ष नन्दकिशोर बस्नेतले जानकारी दिए ।