चलचित्र पत्रकार संघको तीन दिने ‘फोटोग्राफी तथा भिडियोग्राफी कार्यशाला’ – Nepal Press

चलचित्र पत्रकार संघको तीन दिने ‘फोटोग्राफी तथा भिडियोग्राफी कार्यशाला’

काठमाडौँ । चलचित्र पत्रकारको छाता संस्था चलचित्र पत्रकार संघ नेपालको आयोजनामा तीन दिने फोटोग्राफी तथा भिडियोग्राफी कार्यशाला सम्पन्न भएको छ । चलचित्र विकास बोर्डको नवनिर्मित ‘नवरस हल’ मा भएको कार्यशालामा ४० बढी पत्रकार सहभागी थिए ।

संघ अध्यक्ष दिनेश सिटौलाको सभापतित्वमा भएको समापन समारोहमा सहभागी प्रशिक्षार्थिहरुलाई प्रमाण पत्र वितरण गरिएको छ। प्रमुख अतिथि बोर्ड अध्यक्ष दयाराम दाहालले कार्यशालाले क्षमता अभिवृद्धिमा महत्वपूर्ण भूमिका खेलेको बताए ।

अध्यक्ष दाहालले सहभागीमध्ये एकजनालाई उत्कृष्ट फोटो खिचेर पठाउने एक जनालाई बोर्डले बार्षिक उत्सवको दिन पुरस्कृत गर्ने बताए । संघले प्रशिक्षार्थी मध्येबाट उत्कृष्ट फोटो खिच्ने मध्येबाट एकजनालाई लेन्स पुरस्कार दिने घोषणा गरिएको छ।

कार्यशालामा हरी न्यौपाने, महेन्द्र विष्ट, विजय बस्याल, विष्णु कल्पित, राजन काफ्ले, दिनेश डिसी, दीपक गुरुङ, दीलिप थापा मगर, श्याम श्रेष्ठ, र श्रीधर पौडेलले फोटोग्राफी र भिडियोग्राफीको बारेमा प्रशिक्षण दिए ।

फोटोग्राफी र भिडियोग्राफीमा रुचि भएका चलचित्र पत्रकारहरुको लागि कार्यशाला उपयोगी बनेको संघका महासचिव समिर बलामीले बताए । संघले आगामी दिनमा लेखनवृत्ति र अन्य बिषयमा कार्यशाला गर्दै जाने जनाएको छ ।

प्रतिक्रिया

Leave a Reply

Your email address will not be published. Required fields are marked *