परराष्ट्रमन्त्री ज्ञवाली र राष्ट्रसंघीय जलवायु सम्मेलनका अध्यक्षबीच भेटवार्ता

काठमाडौं । राष्ट्रसंघिय जलवायु सम्मेलन (कोप-२६)का अध्यक्ष एवं बेलायती सांसद आलोक शर्मा र परराष्ट्रमन्त्री प्रदीपकुमार ज्ञवालीबीच भेटवार्ता भएको छ ।

भेटमा शर्माले नेपालको जलवायु योजना र कार्यक्रमबारे बेलायतले सहयोग गर्ने बताएका छन् । भेटमा क्षेत्रीय जलवायु चुनौतिबारे छलफल भएको समेत शर्माले उल्लेख गरे ।

Hugely insightful to see firsthand this week the impacts of climate change in Nepal, including on the lives of their mountain-based communities 🇳🇵

Globally we must do more to support those on the frontline of #ClimateChange pic.twitter.com/VZsPtUs8YZ

— Alok Sharma (@AlokSharma_RDG) February 19, 2021

केही दिनको नेपाल भ्रमणमा काठमाडौं आइपुगेका शर्मा जलवायु परिवर्तनको प्रभाव अध्ययन गर्न हिमालपारिको जिल्ला मुस्ताङ सदरमुकाम जोमसोम पुगेका थिए जहाँ उनले स्थानीय किसानसँग छलफल गरे ।

नेपाल भ्रमणका क्रममा शर्माले प्रधानमन्त्री केपी शर्मा ओली, काठमाडौंस्थित जलवायु अभियन्ता, नीजि क्षेत्रका प्रतिनिधि लगायतलाई भेट गरेका थिए ।

शर्मा शुक्रबार भारततर्फ प्रस्थान गरेका छन् । दुईदिने भारत भ्रमणमा उनले सरकारी, नागरिक समाज र ब्यवसायीलाइ भेटेर जलवायु परिवर्तनको चर्चा गर्नेछन् ।