यशराज फिल्म्सद्वारा पाँच फिल्मको रिलिज डेट घोषणा – Nepal Press

यशराज फिल्म्सद्वारा पाँच फिल्मको रिलिज डेट घोषणा

काठमाडौं । यशराज फिल्म्सले सन् २०२१ का लागि पाँच फिल्मको रिलिज मिति घोषणा गरेको छ । लकडाउनले रोकिएका, पोस्टपोन्ड भएका फिल्मले प्रदर्शन मिति प्राप्त गरेका हुन् ।

विहिबार वक्तव्य जारी गर्दै यशराज फिल्म्सले पृथ्वीराज, शमशेरा, जयसभाइ जोरदार, बन्टी और बब्ली २ र सन्दीप और पिंकी फरारको रिलिज डेट घोषणा गरेको हो ।

यशराजको यो लाइनअपमा अक्षय कुमार, रणवीर सिंह, रणवीर कपुर, अर्जुन कपुर समावेश छन् । लाइनअपमध्ये अर्जुन कपुर र परिणीति चोपडाको सन्दीप और पिंकी फरार मार्च १९ मा रिलिज हुनेछ ।

सैफअली खान र रानी मुखर्जीको बन्टी और बब्ली २ अप्रिल २३ मा रिलिज हुनेछ । रणवीर कपुर र वाणी कपुरको शमशेरा जुन २५, रणवीर सिंह र शालिनी पाण्डेको जयसभाइ जोरदार अगस्ट २७, अक्षयकुमार र मानुषी चिल्लरको पृथ्वीराज नोभेम्बर ५ मा प्रदर्शन हुनेछन् ।

अक्षयकुमारको पृथ्वीराज शाहिद कपुर स्टारर जर्सीसँग भिड्ने पक्का भएको छ । यी दुबै फिल्म आगामी तिहारको छेकोमा प्रदर्शन हुनेछन् ।

 

प्रतिक्रिया

Leave a Reply

Your email address will not be published. Required fields are marked *

सम्बन्धित खवर