आज राति २ः४० बजे नासाको यान मंगल ग्रहमा अवतरण गर्दै – Nepal Press

आज राति २ः४० बजे नासाको यान मंगल ग्रहमा अवतरण गर्दै

काठमाडौं । अमेरिकी अन्तरिक्ष नियोग नासाको पर्सिभिअरेन्सको यान नेपाली समयानुसार शुक्रबार बिहान २ः४० बजे मंगल ग्रहको सतहमा अवतरण गर्ने भएको छ ।

पृथ्वीबाट ४७ करोड किलोमिटर यात्रा तय गर्दै ६ वटा पांग्रा भएको उक्त रोबट मंगलमा पुगेको हो । मंगलको सतहमा अवतरण गर्नुलाई यो मिसनको सबैभन्दा कठिन क्षण मानिएको छ ।

यदि मंगलको सतहमा अवतरण गर्न सक्यो भने यसले उक्त ग्रहमा पहिले जीवन भए, नभएको अवसर प्राप्त गर्नेछ । जेजेरो क्रेटर भनिने पानीको ठूलो ताल भएको अनुमान गरिएको थोलोमा रोबट अवतरण गर्ने प्रयास गर्नेछ ।

वैज्ञानिकले उक्त थलोमा कुनैबेला पानी रहेको र जीव हुनसक्ने अनुमान गरेका छन् । मंगल ग्रहको पातलो वायुमण्डलमा प्रवेश गर्दा पर्सिभिअरेन्सको गति २०,००० किलोमिटर प्रतिघण्टा हुनेछ । वायुमण्डलमा प्रवेश गरेको सात मिनेटमा यसले हिँडाइको गतिमा झरेर अवतरण गर्नुपर्नेछ ।

अहिलेसम्म मंगल ग्रहमा १४ मिसनले अवतरणको प्रयास गरेका छन् तर, आठ प्रयास विफल भएका छन् । ती सबै अमेरिकी अभियान हुन् । सन् १९९९ मा मात्र अमेरिकी प्रयास सफल भएको छ ।

नेपाली समयानुसार शुक्रबार बिहान २ः३३ बजे यान वायुमण्डलमा प्रवेश गर्नेछ । प्यारासुट २ः३७ बजे खुल्नेछ भने २ः४० बजे पांग्राले मंगल ग्रहमा अवतरण गर्नेछ । नासाले यो सबै क्षणलाई लाइभ गर्ने तयारी गरेको छ ।

प्रतिक्रिया

Leave a Reply

Your email address will not be published. Required fields are marked *