विश्व नम्बर तीन ओसाका अस्ट्रेलियन ओपनको फाइनलमा – Nepal Press

विश्व नम्बर तीन ओसाका अस्ट्रेलियन ओपनको फाइनलमा

काठमाडौं । विश्व नम्बर तीन नाओमी ओसाका वर्षको पहिलो ग्राण्डस्लाम अस्ट्रेलियन ओपनको फाइनलमा पुगेकी छिन् ।

सेमिफाइनलमा विश्व बरियताको १०औं स्थानकी अमेरिकी खेलाडी सेरेना विलियम्सलाई ६–३, ६–४ को सोझो सेटमा पराजित गर्दै चारपटककी ग्राण्डस्लाम च्याम्पियन ओसाका दोस्रो पटक अस्ट्रलियन ओपनको फाइनलमा पुगेकी हुन् ।

जापानी युवा खेलाडी ओसाकाले उपाधिका लागि फाइनलमा विश्व बरियताको २२औँ स्थानकी अमेरिकी खेलाडी जेनिफर ब्राडीसँग प्रतिस्पर्धा गर्नेछिन् ।

ब्राडी २५औँ बरियताकी क्यारोलिना मुुचोभालाई ६–४, ३–६, ६–४ को सेटमा पराजित गर्दै फाइनलमा पुगेकी हुन् ।

यसअघि २०१९ मा अस्ट्रेलियन ओपनको उपाधि जितेकी ओसाका दोस्रो पटक फाइनलमा पुगेकी हुन् । ब्राडीले कुनै पनि ग्राण्डस्लाममा पहिलो पटक फाइनल यात्रा तय गरेकी हुन् ।

प्रतिक्रिया

Leave a Reply

Your email address will not be published. Required fields are marked *

नेपाल अपडेट ट्रेन्डिङ