विश्व नम्बर तीन ओसाका अस्ट्रेलियन ओपनको तेस्रो चरणमा

काठमाडौं । विश्व नम्बर तीन नाओमी ओसाका अस्ट्रेलियन ओपनको तेस्रो चरणमा प्रवेश गरेकी छिन् । बुधबार भएको खेलमा फ्रान्सकी क्यारोलिन गर्सियालाई ६ -३, ६-३ को सोझो सेटमा पराजित गर्दै जापानी खेलाडी ओसाकाले तेस्रो चरणमा स्थान बनाएकी हुन् ।

रुसी खेलाडी एनेस्तेसिया पाब्लुचेन्कोभालाई ६-१, ६-२ को सोझो सेटमा पराजित गर्दै ओसाका दोस्रो चरणमा आइपुगेकी थिइन् । गर्सिया स्लोभेनियाली खेलाडी पोलोना हेर्चोगलाई ७-६ ९८-६०, ६-३ को सोझो सेटमा पराजित गर्दै दोस्रो चरणमा आइपुगेकी थिइन् ।

ओसाकाले तेस्रो चरणमा ट्युनिसियाकी ओन्स ज्याबुएरसँग खेल्ने भएकी छन् । २०१९ मा च्याम्पियन बनेकी ओसाका गत वर्ष तेस्रो चरणबाटै बाहिरिएकी थिइन् ।