पोर्नस्टार मिया खलिफा पनि किसान प्रदर्शनको पक्षमा, भारत सरकार असन्तुष्ट

काठमाडौं । पोर्नस्टार मिया खलिफाले पनि भारतीय किसानको पक्षमा समर्थन जनाएकी छिन् । दिल्लीमा इन्टरनेट सेवा बन्द गरेर सरकारले मानवअधिकार उल्लंघन गरेको आरोप खलिफाले लगाएकी छिन् ।

सामाजिक संजाल ट्वीटरमार्फत खलिफाले किसान प्रदर्शनका दुई तस्विर सेयर गर्दै आफू किसानको पक्षमा उभिने उल्लेख गरेकी छिन् ।

हलिउड गायिका रिहाना, कमला ह्यारिसकी बहिनी मीना ह्यारिस र वातावरण अभियन्ता ग्रेट थनवर्गपछि किसानलाई समर्थन गर्ने अन्तराष्ट्रिय सेलेव्रिटीको सूचिमा एडल्ट स्टार खलिफा पनि उभिएकी हुन् ।

एकैसाथ यी विदेशी सेलेव्रिटीले किसान प्रदर्शनको पक्षमा मत जाहेर गरेपछि भारतीय विदेश मन्त्रालयले विज्ञप्ती जारी गर्दै यसलाई सेलेव्रिटी प्रपोगाण्डाको संज्ञा दिएको छ । कंगाना रनावतले त रिहानालाई मूर्खको संज्ञा दिएकी छिन् । अजय देवगण, करन जोहर, सुनिल सेठ्ठी लगायतका बलिउड सेलेव्रिटीले पनि प्रपोगान्डा सहि नभएको भन्दै ट्वीट गरेका छन् ।