रुथको दुई गोलमा वालिङको सहज जित – Nepal Press

रुथको दुई गोलमा वालिङको सहज जित

काठमाडौं । मेथो एल्युडी रुथको दुई गोलप्रेरित वालिङ नगरपालिकाले राष्ट्रिय महिला लिगका चन्द्रपुर नगरपालिकालाई ३–० को नजितामा पराजित गरेको छ ।

एन्फा कम्प्लेक्स सातदोबाटोमा भएको खेलमा वालिङका लागि कियोमेग्नो जोमो भेनेसा नोएलले एक गोल गरिन् ।

नोएलले ३७औं मिनेटमा गोल गर्दै वालिङका लागि गोलको खाता खेलेकी थिइन् । रुथले ४५औं मिनेटमा गरेको गोलसँगै वालिङले पहिलो हाफमा २–० को अग्रता लिएको थियो ।

चन्द्रपुरको रक्षापंक्तिमाथि हाबी बनेको वालिङका लागि रुथले ५३औं मिनेटमा व्यक्तिगत दोस्रो गोल गर्दै ३–० को जित निश्चित गरिन् ।

जितसँगै वालिङ अंक तालिकाको चौथो स्थानमा उक्लिएको छ भने चन्द्रपुर छैठौं स्थानमा छ ।


प्रतिक्रिया

Leave a Reply

Your email address will not be published. Required fields are marked *