निर्वाचन आयोग जानुअघि प्रचण्ड-माधव पक्ष आन्तरिक छलफलमा – Nepal Press

निर्वाचन आयोग जानुअघि प्रचण्ड-माधव पक्ष आन्तरिक छलफलमा

काठमाडौं । आधिकारिकता दावी गर्दै निर्वाचन आयोग जानुअघि नेपाल कम्युनिष्ट पार्टीको प्रचण्ड-माधव पक्ष आन्तरिक छलफलमा जुटेको छ ।

सोमबार केन्द्रीय कमिटीको चौथो बैठकले आधिकारिकताको दावीका लागि पत्रसहित निर्वाचन आयोग जाने निर्णय गरेको थियो । स्थायी कमिटी सदस्य लिलामणि पोखरेलले आयोग जानेबारे केही बरेमा बैठक रहेको र त्यसपछि अन्तिम टुंगो लाग्ने बताए।

‘अहिले मिटिङ गर्दै छौं,’ पोखरेलले नेपाल प्रेससँग भने, ‘केही बरेमा अन्तिम टुंगो लाग्छ ।’ सम्भवत: आजै आयोग जाने उनको भनाइ छ ।

केन्द्रीय सदस्य एवम् पूर्वमहान्यायाधिवक्ता मुक्ति प्रधानले आयोग जाने नीतिगत निर्णय केन्द्रीय कमिटले गरे पनि पत्रबारे अझैं अन्तिम टुंगो नलागेको बताए ।

आयोगले राजनीतिक दल सम्बन्धी ऐनको धारा ५१ अनुसार नेकपाका दुवै पक्ष विवरण अद्यावधिक गर्न मात्रै आएको भन्दै कुनै पनि पक्षलाई आधिकारिकता नदिएको बताएको थियो । आयोगले दफा ४४ अनुसार कुनै पनि पक्ष आधिकारिकता दावी गर्न नआएको बताएपछि प्रचण्ड-माधव पक्षले ऐन अनुसारै आधिकारिकता दावी गर्ने निर्णय गरेको हो ।

प्रतिक्रिया

Leave a Reply

Your email address will not be published.

सम्बन्धित खवर