युद्धकालमा बेपत्ता पारिएकाका परिवारलाई परिचयपत्र वितरण शुरू – Nepal Press

युद्धकालमा बेपत्ता पारिएकाका परिवारलाई परिचयपत्र वितरण शुरू

काठमाडौं । तत्कालीन माओवादीको सशस्त्र युद्धमा बेपत्ता पारिएका व्यक्तिका परिवारलाई परिचयपत्र वितरण थालिएको छ ।

बेपत्ता पारिएका व्यक्तिको छानबिन आयोगले बर्दियाको गुलरियामा बिहीबार एक कार्यक्रम गरी परिचयपत्र वितरण शुरु गरेको हो ।

हालै मात्र सरकारले ‘लोकतन्त्रका योद्धा’ को सम्मान एवं परिचयपत्रको व्यवस्था गर्न परराष्ट्रमन्त्री प्रदीप ज्ञवालीको संयोजकत्वमा तीन सदस्यीय कार्यदल गठन गरेको छ।

संयोजक ज्ञवाली आयोगले आयोजना गरेको कार्यक्रममा उपस्थित भएका छन् ।

११ माघमा बसेको मन्त्रिपरिषद् बैठकले गठन गरेको कार्यदलले विगतका शान्तिपूर्ण र सशस्त्र आन्दोलन, जनसंघर्ष, विद्रोह र विभिन्न आन्दोलनमा जीवन उत्सर्ग गरी संघीय लोकतान्त्रिक गणतन्त्र स्थापनामा महत्वपूर्ण योगदान गर्ने सहिद परिवार, घाइते, बेपत्ता, अंगभंग भएकाको सम्मान एवं परिचयपत्रको व्यवस्थाबारे अध्ययन गरी सिफारिस गर्ने क्षेत्राधिकार पाएको छ ।

बेपत्ता पारिएका व्यक्तिको छानबिन आयोगले सशस्त्र युद्धका बेला राज्य र तत्कालीन विद्रोही पक्षबाट करिब २ हजार ६ सयजना बेपत्ता पारिएका परिवारहरूको निवेदन दर्ता गरिसकेको छ ।

शान्ति प्रक्रियाको एउटा महत्वपूर्ण पक्ष मानिएको संक्रमणकालीन न्यायसम्बन्धी विषय लामो समयदेखि टुंगिन सकेको छैन ।

प्रतिक्रिया

Leave a Reply

Your email address will not be published.