आन्दोलन प्रभावकारी बनाउन प्रचण्ड-माधव पक्षको समीक्षा बैठक – Nepal Press

आन्दोलन प्रभावकारी बनाउन प्रचण्ड-माधव पक्षको समीक्षा बैठक

काठमाडौं । पुष्पकमल दाहाल प्रचण्ड र माधवकुमार नेपाल नेतृत्वको नेकपाको केन्द्रीय संघर्ष समिति बैठक पार्टी केन्द्रीय कार्यालय पेरिसडाँडामा बसेको छ ।

दुवै अध्यक्षको उपस्थितिमा बसेको बैठकले अहिलेसम्मका आन्दोलन कार्यक्रमको समीक्षा र घोषित कार्यक्रम प्रभावकारी बनाउनेबारे छलफल गरेको केन्द्रीय सदस्य बिष्णु रिजालले जानकारी दिए ।

प्रचण्ड माधव पक्षले तेस्रो चरणका विभिन्न आन्दोलनका कार्यक्रम घोषणा गरिसकेको छ । केन्द्रीय संघर्ष समितिका संयोजक नारायणकाजी श्रेष्ठको अध्यक्षतामा बसेका बैठकले अबका कार्यक्रममा जनसहभागिता बढाउने र विपक्षी राजनीतिक दल तथा नागरिक आन्दोलनसँग जोडिने बारेमा पनि छलफल गरेको छ ।

आजै पार्टीले बुटवलमा जनप्रदर्शन गर्दैछ । सभालाई सम्बोधन गर्न प्रचण्ड र माधव नेपाल आजै बुटवल जाँदैछन् । यता माइतीघरमा साताब्यापी धर्ना पनि जारी राखिएको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर