प्रधानमन्त्रीसहित पूर्व प्रधानन्यायाधीश र पूर्व सभामुखविरूद्ध अवहेलना मुद्दा – Nepal Press

प्रधानमन्त्रीसहित पूर्व प्रधानन्यायाधीश र पूर्व सभामुखविरूद्ध अवहेलना मुद्दा

काठमाडौं । प्रतिनिधिसभा विघटनविरुद्धको मुद्दामाथि संवैधानिक इजलासमा सुनुवाई भइरहेका बेला बाहिर दिइएका अभिव्यक्तिलाई लिएर प्रधानमन्त्री र पूर्व प्रधानन्यायाधीशहरूविरुद्ध अवहेलना मुद्दा चलाउन माग गर्दै पेश भएका निवेदन सर्वोच्च अदालतमा दर्ता भएका छन् ।

दुई दिनदेखि सर्वोच्चमा पेश भएका निवेदन मंगलवार दर्ता प्रक्रियामा गएका हुन् । प्रधानमन्त्रीले बरिष्ठ अधिवक्ता कृष्णप्रसाद भण्डारीको सन्दर्भमा व्यक्त गरेका धारणाले अदालतको अवहेलना भएको भन्दै कन्चनकृष्ण न्यौपानेले निवेदन पेश गरेका थिए ।

यस्तै प्रकृतिका चारवटा निवेदन पेश भएकामा चार पूर्व प्रधानन्यायाधीश र पूर्व सभामुख दमननाथ ढुंगानाविरुद्धका पनि छन् । कुमार शर्माले पेश गरेको अवहेलना सम्बन्धी निवेदन पनि दर्तामा गएको छ ।

सर्बोच्च अदालतका चार पूर्व न्यायाधीश मीनवहादुर रायमाझी,कल्याण श्रेष्ठ,अनुपराज शर्मा र सुशीला कार्कीले केही दिनअघि विज्ञप्ति जारी गरेर प्रतिनिधिसभा विघटन असंवैधानिक भएको बताएका थिए ।

त्यस्तै पूर्व सभामुख दमननाथ ढुंगानाले पनि विचाराधीन मुद्दालाई प्रभावित पार्ने गरी अभिव्यक्ति दिएको भन्दै अवहेलना मुद्दा चलाउन माग गरिएको छ ।

प्रतिक्रिया

Leave a Reply

Your email address will not be published.