धनगढीकी यी हुन् प्रदीप खड्काकी लभलेडी, ‘प्रकाश’मा जोडी बाँध्ने – Nepal Press

धनगढीकी यी हुन् प्रदीप खड्काकी लभलेडी, ‘प्रकाश’मा जोडी बाँध्ने

काठमाडौं । फिल्म ‘प्रकाश’मा प्रदीप खड्कासँग धनगढीकी रेनु योगीले अनस्क्रिन रोमान्स गर्ने भएकी छिन् । दिनेश राउतले निर्देशन गर्ने रोमान्टिक ड्रामाले डेब्यु गर्ल रेनुलाई लिड लेडीको रुपमा सार्वजनिक गरेको हो ।

रेनुलाई फिल्मका कास्टिङ निर्देशक अनुप बरालले तय गरेका हुन् । फागुन दोस्रो सातादेखि छायांकन सुरु हुने फिल्मको लिड ब्वाइमा चाहिँ प्रदीप यसअघि नै अनुबन्धित भैसकेका छन् ।

प्रस्तुति र क्यारेक्टर मिल्ने भएकाले रेनुलाई फिल्ममा लिने निर्णय गरिएको निर्देशक राउतले बताए । नाटककी अभिनेत्री रेनु स्नातक अध्ययनरत हुन् । सन् २०१३ मा उनले दयाहाङ राईसँग ‘मितज्यू’ नाटक गरेकी थिइन् ।

उनले अहिलेसम्म १० भन्दा बढी नाटक, सर्ट मूभि र एसिड काण्ड नामक छोटो फिल्म गरेकी थिइन् । ४५ दिनसम्म जुम्लामा फिल्मांकन गरिने भएको छ । विनिस इन्टरटेनमेन्टको ब्यानरमा बन्ने फिल्मलाई महेन्द्र अधिकारीले निर्माण गर्नेछन् ।

प्रतिक्रिया

Leave a Reply

Your email address will not be published.