हिमानी कोषको शाखा अष्ट्रेलियामा, हिमानीले दिइन् भिडियो सन्देश – Nepal Press

हिमानी कोषको शाखा अष्ट्रेलियामा, हिमानीले दिइन् भिडियो सन्देश

पूर्व युवराज्ञी हिमानी शाहले सञ्चालन गरेको सेवामुलक संस्था हिमानी कोषको कार्यक्षेत्र अब अन्य देशमा पनि बिस्तार हुने भएको छ । नेपाल बाहिर पहिलोपटक अष्ट्रेलियामा हिमानीले सो संस्थाको शाखा स्थापना गरेकी छन् ।

शाखा उद्घाटनका अवसरमा भिडियो सन्देश जारी गर्दै हिमानीले अष्ट्रेलियामा हिमानी कोष दर्ता भइसकेको जानकारी दिइन् । अन्य देशमा पनि कोष बिस्तारको क्रममा रहेको उनले बताइन् ।

‘हामी विभिन्न देशमा बिस्तार हुने क्रममा छौं । नेपालका गरिब र दुखीको जीवन र समग्र राष्ट्रको मुहारमा परिवर्तन ल्याउन केही हदसम्म योगदान पुगोस भन्ने हाम्रो उद्देश्य हो,’ हिमानीले भिडियो सन्देशमा भनेकी छ।

आफूहरुको मूल धर्म नेपाल र नेपालीको सेवा मात्र भएको भन्दै उनले देश र विदेशमा रहेका नेपालीहरुबाट साथ र सहयोगको अपेक्षा राखिन् । नेपालमा भूकम्प, बाढी–पहिरो, कोरोना महामारीजस्ता संकटका समयमा कोषले अहोरात्र काम गरेको उको भनाइ छ ।

प्रतिक्रिया

Leave a Reply

Your email address will not be published.