मोदीले भने- कोभिडविरुद्धको लडाइमा भारत सधै नेपालको साथमा

काठमाडौं । भारतीय प्रधानमन्त्री नरेन्द्र मोदीले कोभिड–१९ विरुद्धको लडाइमा छिमेकी मुलुक नेपाललाई सहयोग गर्न आफ्नो देश प्रतिबद्ध रहेको बताएका छन् ।

प्रधानमन्त्री केपी शर्मा ओलीले अनुदानस्वरुप खोप उपलब्ध गराएकोमा भारतलाई ट्वीटरमार्फत दिएको बधाइको प्रत्युत्तर मोदीले दिएका हुन् । मोदीले जवाफमा ओलीलाई पनि धन्यवाद व्यक्त गरे ।

Thank you PM @kpsharmaoli. India remains committed to assist the people of Nepal in fighting the Covid-19 pandemic. The vaccines being made in India will also contribute to the global efforts to contain the pandemic. https://t.co/d6LpcbvKHg

— Narendra Modi (@narendramodi) January 21, 2021

कोभिड महामारीलाई रोक्न विश्व समुदायले गरेको प्रयत्नमा भारतमा उत्पादित खोपले योगदान दिएको समेत मोदीले उल्लेख गरेका छ्न । भारतले नेपाललाई विहिबार अक्सफोर्डले विकास गरेको एस्ट्राजेनेका खोप १० लाख डोज दिएको छ ।