फिल्म साउथ एसिया डिसेम्बरमा काठमाडौंमा, विश्वभरबाट आवेदन आह्वान – Nepal Press

फिल्म साउथ एसिया डिसेम्बरमा काठमाडौंमा, विश्वभरबाट आवेदन आह्वान

काठमाडौं । फिल्म साउथ एसिया–२०२१ को आयोजना मिति घोषणा भएको छ । ललितपुरमा हुने फेस्टिभल डिसेम्बर २ देखि चार दिनसम्म संचालन हुने जारी वक्तव्यमा उल्लेख छ ।

कोरोना महामारीले २०२० को संस्करण रोकिएको थियो । तर, भौतिक उपस्थिती वा भर्चुअल माध्यममा फेस्टिभल गर्ने भन्ने निधो उक्त समयको संक्रमणको अवस्था हेरेर गरिने भएको छ ।

फेस्टिभलले फिल्म आवेदन आह्वान समेत गरेको छ । आफूहरुले भौतिक उपस्थितीमै फेस्टिभल गर्ने योजना बनाएपनि संक्रमणको स्थिती बढेमा भने भर्चुअलरुपमा फेस्टिभल गरिने भएको छ । आयोजकले विश्वभरबाटै फिल्म दर्ताको लागि आग्रह गरेको छ ।

भाइरस महामारीले गतवर्ष धर्मशाला, मुम्बई, इन्दुस भ्याली, किम्फ, फोटो काठमाण्डू लगायतका फेस्टिभल भर्चुअल रुपमा भएको समेत उल्लेख छ । फिल्म साउथ एसिया दक्षिण एसियाकै ठूलो मध्येको डकुमेन्ट्री फिल्म फेस्टिभल हो ।

फेस्टिभलमा उत्कृष्ट फिल्मलाई रामबहादुर ट्रफी, रनर अप अवार्ड, तारेख मसुद डेब्यु फिल्म अवार्ड, युनिसेफ नेपाल अवार्ड, स्टुडेन्ट फिल्म अवार्डको व्यवस्था गरिएको छ । जनवरी १, २०१९ पछि बनेका फिल्मलाई मात्र समावेश गरिने जनाइएको छ । ३१ जुलाई, २०२१ सम्म फिल्म आवेदन गर्न सकिने भएको छ ।

प्रतिक्रिया

Leave a Reply

Your email address will not be published.

सम्बन्धित खवर