पत्रकारसँग जनार्दनको आग्रह – गाली हैन मुद्दामा केन्द्रित हुनुहोस्

काठमाडौं । नेकपा प्रचण्ड-माधव पक्षका कर्णाली प्रदेश इन्चार्ज जनार्दन शर्मा ‘प्रभाकर’ ले एक-अर्कालाई गाली गर्नुभन्दा मुद्दामा केन्द्रित हुनुपर्ने बताएका छन् ।

सत्तारुढ नेकपा विभाजनसँगै दुई धारमा बाँडिएका पत्रकारहरूबीच एकअर्काप्रति कटाक्ष चलिरहँदा प्रभाकरले आफ्नापक्षीय कर्णालीका पत्रकारसँग भने- ‘अब मुद्दा केन्द्रित भई समाचार सम्प्रेषण गर्न आग्रह गरे ।’

‘मैले कुनै गल्ती गरेको छु भने पनि लेख्नुहोस् । अहिले देशमा संविधानमाथि हमला भएको छ । प्राप्त उपलब्धि जोगाउन पत्रकारको भूमिका महत्त्वपूर्ण छ । निरन्तर खबरदारी गर्नुस् ।’ संविधानमाथि कू गरेर प्रधानमन्त्री ओलीले घर नै जलाएको उनको आरोप थियो ।