प्रदेश १ ४०.१ ओभरमा अलआउट, आर्मीलाई १३२ रनको लक्ष्य – Nepal Press

प्रदेश १ ४०.१ ओभरमा अलआउट, आर्मीलाई १३२ रनको लक्ष्य

काठमाडौं । बिबेक मेहेताको अर्धशतकप्रेरित प्रदेश नम्बर १ ले प्रधानमन्त्री कप राष्ट्रिय पुरुष क्रिकेट प्रतियोगिताको समूह ‘ए’मा त्रिभुवन आर्मी क्लबलाई १३२ रनको विजय लक्ष्य दिएको छ ।

मूलपानी क्रिकेट मैदानमा टस जितेर ब्याटिङ रोजेको प्रदेश १ ले ४०.१ ओभरमा सबै विकेट गुमाएर १३१ रनको योगफल तयार गर्‍यो । प्रदेश १ का लागि अर्धशतकीय इनिङ खेलेका बिबेकले ८३ बलमा ७ चौका र १ छक्कासहित सर्वाधिक ५० रन जोडे ।

त्यस्तै, फिर्दोस अनसारी ९० बलमा १ चौका र १ छक्कासहित ३२ रन बनाएर आउट भए । ओपनर दीपक पासवानले १९ तथा दिपेश कँडेलले ११ रन बाहेक अन्य ब्याट्सम्यानले दोहोरो अंकमा रन बनाउन सकेनन् । प्रदेश १ का चार ब्याट्सम्यान शून्यमा सीमित भएका थिए ।

आर्मीका लागि किफायती बलिङ गरेका साहब आलमले ९. १ ओमार २३ रन खर्चेर ३ मेडनसहित सर्वाधिक ४ विकेट लिए । त्यस्तै, आकाश चन्दले ३ तथा सुशन भारी, भीम सार्की र राजेश पुलामी मगरले १/१ विकेट लिए । आर्मी आजको खेलमा जित हासिल गर्दै सेमिफाइनल नजिक पुग्न चाहन्छ भने प्रदेश १ पहिलो जितको खोजीमा छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर