ट्रम्पको बिदाई वक्तव्य– हामी जे गर्न आएका थियौं, त्यो गर्‍यौं – Nepal Press

ट्रम्पको बिदाई वक्तव्य– हामी जे गर्न आएका थियौं, त्यो गर्‍यौं

एजेन्सी । अमेरिकी राष्ट्रपति डोनाल्ड ट्रम्पले पद छाड्नुअघि बिदाई सम्बोधन गरेका छन् । नवनिर्वाचित राष्ट्रपति जोय बाइडेनले आज औपचारिक रुपमा पदभार ग्रहण गर्नुअघि ट्रम्पले यूट्यूवमार्फत बिदाई बक्तव्य सार्वजनिक गरेका हुन् ।

सम्बोधनमा उनले भनेका छन्, ‘हामीले त्यही गर्‍यौं, जे गर्नका लागि आएका थियौं । अझ त्यो भन्दा पनि बढी गर्‍यौं ।’

‘यो कठिन लडाई थियो र कठिन भिडन्त रह्यो । तर मैले सामना गरें किनभने तपाईंहरुले मलाई यही गर्नका लागि निर्वाचित गर्नुभएको हो,’ भिडियोमा ट्रम्प अगाडि भन्छन ।

ट्रम्प अझै पनि नोभेम्बरमा भएको राष्ट्रपति निर्वाचनमा आफ्नो हार स्वीकार गर्न सकिरहेका छैनन् । जहाँ उनी डेमोक्र्यटिक पार्टीका बाइडेनसँग पराजित भएका थिए । बाइडेन नेपाली समयअनुसार आज मध्यरातमा सपथ लिँदैछन् ।

ट्रम्पको कार्यकालका अन्तिम २ साता संसद भवन (क्यापिटल हिल)मा भएको हिंसात्मक दंगाले प्रभावित बन्यो । उनका समर्थकले अमेरिकी कंग्रेसमाथि ६ जनाको ज्यान जाने गरी आक्रमण गरे, उनीहरु चुनावी परिणाम उल्टाउन चाहन्थे ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर