प्रतिनिधिसभा विघटनविरुद्धको रिटमा सुनुवाइ शुरू

काठमाडौं । प्रतिनिधि सभा विघटनविरुद्ध दायर रिटमाथि सर्वोच्च अदालतमा आजको सुनुवाइ शुरू भएको छ । प्रधानन्यायाधीश चोलेन्द्र शमसेर जबराको नेतृत्वमा गठित संवैधानिक इजलासमा सोमबारको बहस जारी छ ।

अधिवक्ता दिनमणि पोखरेलले अहिले बहस गरिरहेका छन् । उनले संसद विघटन राजनीतिक प्रश्न मात्रै नभएको भन्दै संवैधानिक रुपमा पनि पुष्टि हुन आवश्यक रहेकाे बताए । सरकारकाे निर्णय र स्पष्टीकरण बाझिएकाे भन्दै उनले सरकार आफैँ अलमलमा परेकाे बताए ।

आइतबार चारजना अधिवक्ताहरुले बहस गरेका थिए ।

गत पुस ५ गते प्रधानमन्त्री केपी शर्मा ओलीको सिफारिसमा राष्ट्रपतिले प्रतिनिधि सभा विघटन गरेकी थिइन् । प्रतिनिधि सभा विघटनको निर्णयविरुद्ध ६ पुसमा सर्वोच्चमा १३ रिट निवेदन दर्ता भएको थियो ।