सजाय तोकिएको १३ वर्षपछि लागु औषधका फरार अभियुक्त पक्राउ – Nepal Press

सजाय तोकिएको १३ वर्षपछि लागु औषधका फरार अभियुक्त पक्राउ

काठमाडौं । लागु औषध मुद्दामा सजाय तोकिएपछि फरार रहेका अभियुक्तलाई झापा प्रहरीले १३ वर्षपछि पक्राउ गरेको छ ।

झापा जिल्ला अदालतले २०६४ मंसिर ३ गते साबिक खजुरगाछी गाविसका जयनारायण राजवंशीलाई लागु औषध ९गाँजा०मुद्दामा १ वर्ष कैद र जरिवाना सजाय गरेको थियो ।

सोही बेलादेखि फरार रहेका राजवंशीलाई खोजतलास गर्ने क्रममा गौरीजञ्जबाट खटिएको प्रहरी टोलीले माघ २ गते उनकै घरबाट पक्राउ गरि फैसला कार्यन्वयनका लाागि जिल्ला अदालतमा उपस्थित गराएको छ ।

उनलाई बाँकी कैद भुक्तानको लागि जिल्ला कारागार चन्द्रगढी पठाउने आदेश अदालतले दिएको छ । उनलाई हाल जिल्ला प्रहरी कार्यालयमा राखिएको प्रहरीले जनाएको छ ।

झापाको प्रहरी प्रमुख भएर गएपछि प्रहरी उपरीक्षक सानुराम भट्टराईले अदालतको फैसला कार्यन्वयनमा प्रहरीको तदारुकता देखाएका छन् ।

प्रतिक्रिया

Leave a Reply

Your email address will not be published. Required fields are marked *