प्रधानमन्त्री कप: बागमतीबिरुद्ध टस जितेर फिल्डिङ गर्दै सुदूरपश्चिम – Nepal Press

प्रधानमन्त्री कप: बागमतीबिरुद्ध टस जितेर फिल्डिङ गर्दै सुदूरपश्चिम

काठमाडौं । प्रधानमन्त्री कप राष्ट्रिय एकदिवशीय क्रिकेटमा आज समूह बी अन्तर्गत बागमती र सुदूरपश्चिम प्रदेशका टोलीबीच प्रतिस्पर्धा हुँदैछ ।

त्रिवि क्रिकेट मैदान कीर्तिपुरमा टस जितेर सुदूरपश्चिमले पहिला फिल्डिङ गर्ने निर्णय लिएको छ ।

हिजोको खेलमा साविक विजेता बिभागीय टोली नेपाल पुलिसलाई पराजित गरेको बागमती उत्साहित छ ।

राष्ट्रिय टोलीका कप्तान ज्ञानेन्द्र मल्ल, पूर्व कप्तान पारस खड्का, पृथु बास्कोटा, रामनरेश गिरी लगायतका अनुभवी र प्रतिभावान युवा खेलाडी सम्मिलित बागमती टिमले हिजो शानदार प्रदर्शन गरेको थियो । उसले प्रतियोगितामा मुख्य दावेदारिता पेश गरिसमसकेको छ ।

सुदूरपश्चिमको भने यो प्रतियोगितामा पहिलो खेल हो । सन्तोष भट्टको कप्तानीमा रहेको सुदूरपश्चिममा उमेर समूहको राष्ट्रिय टोलीबाट खेलेका युवा खेलाडीहरुको बर्चश्व छ । यो टिमलाई प्रतियोगिताको ‘सरप्राइज्ड’ टोलीको रुपमा हेरिएको छ ।

प्रतिक्रिया

Leave a Reply

Your email address will not be published.