अदालत र निर्वाचन आयोगलाई प्रचण्डको प्रश्‍न – केपी ओलीको सेटिङ के हो ? (भिडियो) – Nepal Press

अदालत र निर्वाचन आयोगलाई प्रचण्डको प्रश्‍न – केपी ओलीको सेटिङ के हो ? (भिडियो)

काठमाडौं । विभाजित नेकपाका अध्यक्ष पुष्पकमल दाहाल (प्रचण्ड)ले सर्वोच्‍च अदालत र निर्वाचन आयोगलाई शंकाको लाभ दिँदै केपी ओलीको सेटिङबारे प्रश्न गरेका छन् ।

राजधानीमा आइतवार आयोजित विद्यार्थी भेलालाई सम्बोधन गर्दै प्रचण्डले आफूले अदालत र निर्वाचन आयोगलाई विश्वास गरे पनि केपी ओलीको सेटिङप्रति शंका रहेको बताए ।

प्रचण्डले भने- मुलुकलाई अँध्यारो सुरुङतर्फ लैजाने सेटिङको शंका हुन थालेको छ । हामीले अदालत र निर्वाचन आयोगलाई अहिले केही भन्दैनौं तर केपी सेटिङलाई त शंका गर्न पाइयो नि । केपी र केपीका मान्छेहरू अचेल किन ढुक्कका साथ हाम्रो सेटिङ भइसकेको छ भन्दै हिँडेका छन् ?

प्रतिनिधि सभा पुनःस्थापना पनि नहुने र निर्वाचन आयोगले दलको आधिकारिकता र सूर्य चिह्न पनि ओली नेतृत्वको नेकपालाईनै दिने सेटिङमा काम भइरहेको आशंका उनले व्यक्त गरेका हुन् ।

विद्यार्थी भेलामा उनले भने- सेटिङ भनेको के हो ? केपी र उनका मान्छेले सेटिङ भइसकेको छ भन्दैछन् । अदालतले र निर्वाचन आयोगले अन्यथा फैसला गरे भने के गर्ने त्यही बेला निर्णय गरौंला, तर अहिले आक्रामक ढंगले सडकबाट दबाब दिनुपर्छ । भेज आन्दोलनले हुँदैन ।

प्रतिक्रिया

Leave a Reply

Your email address will not be published.

सम्बन्धित खवर