हलिउड स्टारर लियाम नेसनले एक्सन फिल्मबाट लिए सन्यास – Nepal Press

हलिउड स्टारर लियाम नेसनले एक्सन फिल्मबाट लिए सन्यास

हलिउड अभिनेता लियाम नेसनले एक्सन जनराका फिल्मबाट सन्यासको घोषणा गरेका छन् । पाइपलाइनमा रहेका ‘वन्डर वुमन ३’ र ‘ओभिवान केनोभी’को छायांकन पछि एक्सन फिल्म नगर्ने उनले निर्णय गरेको डेलीमेलले उल्लेख गरेको छ ।

‘भिजिलान्ते र एक्सन फिल्म गरेर म थाकिसकेँ । मेरो उमेर पनि आउँदो जुनमा ६९ पुग्दैछ ।’ उनले भने ।

कोभिड महामारी सामान्य भएपछि बाँकी दुई फिल्मको सुटिङ गर्ने उनले जनाए । तर, उनले आफ्नो उमेरका कतिपय अभिनेतासँग एक्सन फिल्म गर्ने योजना गुमाउनुपर्दा चाहिँ मिस गरेको जनाए । लियामले हालै अष्ट्रेलियामा ब्ल्याकलाइट फिल्म छायांकन गरे जहाँ उनले बच्चासँग एक्सन दृश्य सक्नुपर्ने थियो । ‘ती बच्चाको नाम टेलर थियो र उमेर २५ । मेरो ठूलो छोराको उमेरसँगै’ उनले भने, ‘यो मेरा लागि निकै महत्वपूर्ण क्षण थियो ।’

वन्डर वुमन ३ मा चाहिँ लियामले गल ग्याडटको पिताको भूमिकामा अभिनय गर्दैछन् । यो फिल्मलाई प्याटी जेन्किन्सले निर्देशन गर्दैछन् । लियाम एकपटक अस्करमा र तीनपटक गोल्डेन ग्लोब्स अवार्डमा मनोनित भैसकेका छन् । लियाम स्टारर ‘क्ल्यास अफ दी टाइटन्स’ सन् २०१० मा रिलिज भएको थियो र यसले ४९३.२ मिलियन डलर कमाएको थियो ।

लियामले नेपालमा छायांकन गरिएको सगरमाथाबारेको डकुमेन्ट्री द वाइल्डेस्ट ड्रीममा आफ्नो आवाजमा न्यारेसन पनि दिएका थिए ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ