कप्तान भण्डारीको शतकमा आर्मीले गण्डकीलाई दियो २८८ रनको लक्ष्य – Nepal Press

कप्तान भण्डारीको शतकमा आर्मीले गण्डकीलाई दियो २८८ रनको लक्ष्य

काठमाडौं । कप्तान विनोद भण्डारीको अविजित शतक प्रेरित त्रिभुवन आर्मी क्लबले प्रधानमन्त्री कप पुरुष एकदिवसीय क्रिकेट प्रतियोगिताको पहिलो खेलमा गण्डकी प्रदेशलाई २ सय ८८ रनको विजय लक्ष्य दिएको छ ।

त्रिवि क्रिकेट मैदानमा टस जितेर ब्याटिङ रोजेको आर्मीका लागि शतक बनाएका भण्डारीले ७६ बलमा ९ चौका र ५ छक्कासहित १११ रन बनाए ।

ओपनरद्वय हरिकृष्ण झाले ४८ बलमा एक चौकासहित १४ रन बनाउँदा विकेटकिपर ब्याट्सम्यान राजु रिजालले ७१ बलमा ४ चौका र १ छक्कासहित ४५ रन जोडेका थिए ।

तेस्रो नम्बरमा क्रिजमा उत्रिएका रोहित कुमार पौडल ८ बलमा एक छक्कासहित १० रन बनाएर आउट हुँदा पाँचौ ब्याट्सम्यान भीम सार्कीले १५ बलमा १५ रन जोडे । ५२ बल खेलेका राजेश पुलामी मगरले ४ छक्कासहित ३८ रन बनाएर पेभेलियन फर्किँदा लोकेश बमले ३० बलमा ३ चौका र २ छक्कासहित ४२ रन बनाएर आउट भए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर