बृहत् पूर्ण इजलासको माग गर्दै देव गुरुङ सर्वोच्चमा
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/01/dev-gurung.jpeg)
काठमाडौं । प्रतिनिधिसभा विघटनविरुद्धको मुद्दा सुनुवाइ संवैधानिक इजलासमा हुन लागेका बेला रिट निवेदकमध्येका नेकपा नेता देव गुरुङ पनि सर्वोच्च अदालत पुगेका छन् ।
विघटित प्रतिनिधिसभामा नेकपा संसदीय दलको प्रमुख सचेतक रहेका गुरुङसहितका नेकपा सांसदले पनि रिट दायर गरेका थिए ।
यसअघि रिट निवेदक वकिलहरुमात्र सहभागी भएकोमा आजको सुनुवाईमा गुरुङ पनि पुगेका हुन् । गुरुङ पूर्व कानुनमन्त्री पनि हुन् । आजबाट संवैधानिक इजलासमा निरन्तर सुनुवाइ हुँदैछ । तर रिट निवेदक गुरुङसहितले प्रतिनिधिसभा विघटन विरुद्धको मुद्दाको सुनुवाइ सर्वोच्च अदालतको बृहत पूर्ण इजलासमा हुनुपर्ने माग गरेर निवेदन दिएका छन् ।
यो विषय आजको सुनुवाइको शुरुमै उठाउने तयारी निवेदकहरुको छ ।