ओलीले ‘भष्मासुर धारा’ प्रयोग गरे: जनार्दन शर्मा – Nepal Press

ओलीले ‘भष्मासुर धारा’ प्रयोग गरे: जनार्दन शर्मा

‘छिटै सरकार पुर्नगठन हुन्छ’

सुर्खेत । प्रचण्ड–माधव नेपाल पक्षीय नेकपाका नेता जनार्दन शर्माले प्रधानमन्त्री केपी शर्मा ओलीले संविधानमै नभएको ‘भष्मासुर धारा’ प्रयोग गरेर संसद विघटन गरेको आरोप लगाएका छन् ।

सोमबार वीरेन्द्रनगर पत्रकारसित कुरा गर्दै नेता शर्माले प्रधानमन्त्रीको अलोकतान्त्रिक र असंवैधानिक कदमले मुलुकलाई अध्याँरोतिर धकेलेको टिप्पणी गरे ।

उनले भने– देश कल्पना गर्न नसक्ने अवस्थामा पुग्यो । हामीले देखेको समाजवादी सपनाअनुसार मुुुलुक बढी रहेको थियो । तर प्रधानमन्त्रीले मनलाग्दी गरे । अब त्यसविरुद्ध लड्नुको विकल्प छैन ।

उनले आन्दोलनको बलबाट संविधानलाई जिवित बनाइ जनताको चहना पूरा गर्ने बताए । दुई अध्यक्षबीच आलोपालो प्रधानमन्त्री हुने सहमतिलाई ओलीले तोड्न खोजेपछि विवाद बढेको उनले बताए ।

‘छिटै सरकार पुर्नगठन हुन्छ’

कर्णाली प्रदेशका पार्टी इन्चार्जसमेत रहेका नेता शर्माले छिटै प्रदेश सरकार पुनर्गठन हुने बताए ।

उनले भने– यो सरकारमा हामीले जनसंख्याअनुसार दलित समुदायको प्रतिनिधित्व गराउन सकेनौं । दुई वर्षदेखि मैले सरकार पुर्नगठन गर्न केन्द्रमा अनुरोध गर्दै आइरहेको थिएँ । अब पुनर्गठन हुने सरकारमा दलित समुदायको प्रतिनिधित्व हुन्छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ