लगानी सम्मेलन गर्ने तयारीमा लुम्बिनि प्रदेशः मुख्यमन्त्री पोखरेल

बुटवल । प्रदेश सरकारको पहलमा लुम्बिनी प्रदेशमा लगानी सम्मेलनको तयारी भइरहेको प्रदेशका मुख्यमन्त्री शंकर पोखरेलले बताएका छन् ।

मुख्यमन्त्री पोखरेलले आइतबार उद्योग बाणिज्य महासंघका प्रदेश नव निर्वाचित पदाधिकारीलाई स्वागत गर्दै सो कुरा बताएका हुन् । ‘परदेश सरकारको पहलमा छिट्टै हामी लगानी संम्मेलन गर्दै छौं,’ उनले भने ।

लगानी सम्मेलनका लागि उद्योग बाणिज्य महासंघ र लुम्बिनी प्रदेशबीच आवश्यक समन्वयको समेत तयारी भइरहेको उनले जानकारी दिए ।

कार्यक्रममा बोल्दै मुख्यमन्त्री पोखरेलले लुम्बिनी प्रदेशको विकासका लागि व्यवसायीसँग मिलेर अघि बढ्ने प्रतिवद्धता व्यक्त गरे । व्यवसायीको कुनै पनि समस्यालाई समाधान गर्न प्रदेश सरकार तत्पर रहेको उनको भनाइ थियो ।

कार्यक्रममा कृषि तथा बजार व्यवस्थापनमा जोड दिंदै मेला महोत्सव गर्दा ध्यान पुर्‍याउने उनले बताए ।
मेला महोत्सवमा भारतीय व्यवसायी आउने र यहाँको पैसा लिएर जाने भएकाले यसमा सतर्कता अपनाउनु पर्ने भन्दै व्यवसायीलाई सजक गराए ।

मुख्यमन्त्री पोखरेलले प्रदेश सरकारमा राजनीतिक अस्थिरता नभएकाले ढुक्कसँग लगा
नी गर्न व्यवसायीलाई आग्रह गरे । लुम्बिनी प्रदेशको सरकार अल्पमतमा परेको भन्ने भनाइलाई खण्डन गर्दै मुख्यमन्त्री पोखरेलले प्रदेश सरकार अल्पमतमा नपरेको दाबी गरे ।