स्वर्ण पदक विजेता बनिन् नेपाली एथलेट पुष्पा
नेपाल प्रेस
२०७७ पुष २६ गते १३:५२
काठमाडौं । बंगलादेशमा शुक्रबार सम्पन्न बंगबन्धु शेख मुजिब ढाका म्याराथन २०२१ को स्वर्ण पदक नेपाली एथलेट पुष्पा भण्डारीले हात पारेकी छन् ।
उनले प्रतियोगिताको दक्षिण एसियाली महिलातर्फको स्वर्ण जितेकी हुन् । त्यसैगरी भारतीय खेलाडीले दोस्रो र तेस्रो स्थान हासिल गरे ।
पुष्पाले निर्धारित दौड २ घण्टा ५९ मिनेट ४१ सेकेन्डमा पूरा गरेकी थिइन् । दोस्रो हुने भारतीय खेलाडीले ३ घण्टा ५ मिनेटमा दौड पूरा गरेकी थिइन् ।
पुष्पा साग गेमको रजक पदक विजेता समेत हुन् । पुरस्कारको राशी ६ लाख ९० हजार नेपाली रूपैयाँ रहेको छ ।
नेपाल प्रेस
प्रकाशित: २०७७ पुष २६ गते १३:५२
प्रतिक्रिया
सम्बन्धित खवर
