नक्कली कामरेडहरु – Nepal Press
कविता

नक्कली कामरेडहरु

डनहरुको अखाडामा कता हो भनेर सोधे
बरीयता कि तल कि माथि भन्छन्
ठग्छन् वा लुट्छन् सवर्गीय आफ्नैलाई
तर पनि भन्न लाई त कमरेड साथी भन्छन् ।

नयाँ सहमतिको पाक्दैछ भनेर सोधे
विमति भयो थालमा छ माना पाथी भन्छन्
आँखा सन्काएर निर्लज्ज हात लम्काउँछन्
तरपनि भन्न लाई त कमरेड साथी भन्छन् ।

अपराधीको जमघटमा न्यायको कुरा गरे
तर्साउन पाईन्न हामीलाई के के जाती भन्छन्
अयोग्य घोषित गरेर आफ्नैलाई लुट्छन्
तर पनि भन्न लाई त कमरेड साथी भन्छन् ।

फोहरी घरबेटीलाई सरसफाईको कुरा गरे
तेरा ‘बा’लाई निकाल्दिन्छु हान्दै लात्ती भन्छन्
छोरी, बुहारी, ज्वाईं आफ्ना मात्रै भान्साभरी छन्
तर पनि भन्न लाई त कमरेड साथी भन्छन् ।

भत्काएर सभ्यता नयाँ बनाउँदैनन् बाँदरहरुले
भन्न त चोर स्यालहरुले पनि आफूलाई हात्ती भन्छन्
हराई नै रहेका छन् दुखी किसानका चल्लाहरु
तर पनि भन्न लाई त कमरेड साथी भन्छन् ।

प्रतिक्रिया

Leave a Reply

Your email address will not be published.