चार पूर्व प्रधानन्यायाधीशलाई चुनाव लड्न आउन सांसद मैनालीको चुनौति – Nepal Press

चार पूर्व प्रधानन्यायाधीशलाई चुनाव लड्न आउन सांसद मैनालीको चुनौति

काठमाडौं । नुवाकोटबाट निर्वाचित वागमती प्रदेशका सांसद तथा नेकपा नेता बद्री प्रसाद मैनालीले चार पूर्व प्रधानन्यायाधीशहरु राजनीतिक वक्तव्यबाजीमा उत्रिएको भन्दै राजनीति गर्ने भए आफूसँग चुनाव लड्न आउन चुनौति दिएका छन् ।

मैनालीले विज्ञप्तिमार्फत कुनै राजनीतिक दलको समर्थनमा वक्तव्यबाजी गर्नुभन्दा प्रत्यक्ष राजनीतिमा आउन चुनौति दिएका हुन् ।

मैनालीले भनेका छन्– ‘कुनै मुद्दा संवैधानिक हो ,वा असंवैधानिक हो वा हाेइन, निरुपण गर्ने संवैधानिक सम्मानित अदालतले हेर्ने हो। यहाँ त , विगतमा अदालतमा नेतृत्व गरेका पूर्वप्रधानन्यायाधीशहरु नै एक पक्षीय भएर, पूर्वाग्रही हिसाबले मोर्चा बनाएर मुद्दामाथि नै प्रभाव पार्ने गरी, विज्ञप्ति निकाल्ने काम प्राकृतिक न्यायको सिद्धान्त विपरित छ । म पूर्व श्रीमानहरुलाई प्रश्न गर्न चाहान्छु साँच्चै नै श्रीमानहरुलाई राजनीतिमा आउन वा कुनै राजनीति दलरुलाई सहयोग गर्ने रुचि हो भने आउनुहोस् ।म चुनौतीका साथ भन्छु तपाईंहरुसँग म चुनाव लड्न तयार छु।’

मैनालीले सामन्य मानिसले बोल्दा मानहानी हुने तर पूर्व प्रधानन्यायाधीशहरुले खुलेआम अदालतलाई धम्की दिन मानहानी सजाय किन नहुने भनी प्रश्न गरेका छन ।

प्रतिक्रिया

Leave a Reply

Your email address will not be published.

सम्बन्धित खवर