नारायणकाजीप्रति बाबुरामको कटाक्षः रून्चेपिन्चे कुरा गरेर प्रतिगमन सच्याउन सकिन्नँ – Nepal Press

नारायणकाजीप्रति बाबुरामको कटाक्षः रून्चेपिन्चे कुरा गरेर प्रतिगमन सच्याउन सकिन्नँ

काठमाडौं । जनता समाजवादी पार्टीका नेता एवम् पूर्व प्रधानमन्त्री बाबुराम भट्टराईले प्रधानमन्त्री केपी शर्मा ओलीले चालेको कदम सच्याउन कठिन भएको बताएका छन्।

प्रचण्ड–माधव पक्षका नेता नारायणकाजी श्रेष्ठले शुक्रबार राष्ट्रियसभामा बोलेका कुराप्रति लक्षित गर्दै भट्टराईले ‘रून्चेपिन्चे कुरा गरेर ओली प्रतिगमन सच्याउन नसकिने’ टिप्पणी गरेका छन्।

‘ओलीले गल्ती स्वीकार गरेमा, आत्मालोचना गरेमा, कान समातेमा पार्टी एकता हुनसक्छ, सँगै भातभान्सा हुनसक्छ जस्ता रून्चेपिन्चे कुरा गरेर ओली प्रतिगमन सच्याउन सकिन्न है’ भट्टराईले ट्वीटरमा लेखेका छन्, ‘हिटलरको उदय र जर्मनीको सर्वनाशमा यस्तै ढुलमुले पिलन्धरे प्रवृत्तिको ठूलो भूमिका थियो भन्ने नबिर्सौं । इतिहास नदोहोरिओस्।’

श्रेष्ठले राष्ट्रियसभामा सम्बोधन गर्ने क्रममा ओलीदेखि ठूला दलका ठूला नेताहरुले आत्मालोचना गर्दै सच्चिएर अघि बढ्नुपर्ने धारणा राखेका थिए।

उनको भनाइ थियो– अझै केही बिग्रिसकेको छैन । प्रतिनिधिसभा विघटन गर्ने निर्णय प्रधानमन्त्रीले सच्याए मिलेर अघि बढ्न सकिन्छ ।

प्रतिक्रिया

Leave a Reply

Your email address will not be published.

सम्बन्धित खवर