संवैधानिक परिषद्सम्बन्धी मुद्दा- आज गठन भएन इजलास – Nepal Press

संवैधानिक परिषद्सम्बन्धी मुद्दा- आज गठन भएन इजलास

काठमाडौं । संवैधानिक परिषद सम्बन्धी रिटको सुनुवाई आज नहुने भएको छ । प्रधान न्यायाधीश चोलेन्द्र शमसेर जबराले संवैधानिक इजलास गठन नगरेपछि सुनुवाई कम्तिमा एक सातालाई सरेको हो ।

संवैधानिक इजलास बुधवार र शुक्रवार बस्ने गर्छ । आगामी बुधवार प्रतिनिधिसभा विघटनविरुद्धको मुद्दाको सुनुवाई हुने भएकाले संवैधानिक परिषद अध्यादेश र संवैधानिक परिषदको निर्णयविरुद्ध परेका मुद्दाको सुनुवाई नहुने भएको हो ।

प्रधान न्यायाधीश अध्यक्ष रहने इजलासमा चार न्यायाधीश रहन्छन् । हरेक मुद्दापिच्छे फरक अलग अलग इजलास बन्ने गर्छन् । आज इजलास गठन नगरिएको सन्दर्भमा अदालतल स्रोतले केही बताएन ।

संवैधानिक परिषद सम्बन्धी अध्यादेशनै असंवैधानिक भनी अधिवक्ता ओमप्रका अर्यालले दायर गरेको रिटमा आज प्रारम्भिक सुनुवाई हुने भनिएको थियो ।

उक्त रिटमा प्रधानमन्त्री र प्रधानन्यायाधीशलाई समेत विपक्षी बनाइएकाले आफैंविरुद्धको मुद्दा राणाले हेर्न नपाउने तर्क पनि कतिपयले गरेका छन् । तर संवैधानिक इजलासको अध्यक्ष नै प्रधानन्यायाधीश हुने भएकाले यहाँ विरोधाभास उत्पन्न भएको छ ।

प्रतिनिधिसभा विघटनअघि मंसिर ३० गते बसेको परिषद बैठकले विभिन्न संवैधानिक निकायमा नियुक्ति सिफारिस गरेको थियो । सभामुख र विपक्षी दलका नेता अनुपस्थित रहेको बैठकले नयाँ अध्यादेश अनुसार गरेको निर्णयलाई चुनौति दिँदै रिट दायर भएको छ ।

प्रतिक्रिया

Leave a Reply

Your email address will not be published.