आईओसी सदस्य नै भन्छन्– ओलम्पिक अनिश्चित – Nepal Press

आईओसी सदस्य नै भन्छन्– ओलम्पिक अनिश्चित

एजेन्सी । अन्तर्राष्ट्रिय ओलम्पिक काउन्सिल (आईओसी)मा सबैभन्दा लामो समय सदस्य रहेका डिक पाउन्डले टोलियो ओलम्पिक नयाँ निर्धारित मितिमा पनि आयोजना हुनेमा शंका व्यक्त गरेका छन् ।

शहरमा कोभिड–१९ का कारण आपतकालीन स्थितिको घोषणा गरिए पनि आयोजकले पूर्व निर्धारित खेल आयोजना गर्न तयार रहेको बताएको छ ।

पाउन्डले भनेका छन्, ‘मेरो बिचारमा भाइरसको दोस्रो उछाल सुरु भएको छ त्यसले हामी हाम्रा निर्धारित कामहरु सम्पन्न गर्न असमर्थ हुन सक्छौं ।’

कोरोनाकै कारण १ वर्ष सारिएको विश्व खेलकुदको महामेला टोकियो शहरमा सन् २०२१ को जुलाइ २३ देखि अगष्ट ८ सम्म आयोजना हुनेछ ।
पाउन्डका अनुसार टोकियो ओलम्पिकमा सहभागीहरुका लागि कोरोना खोपको व्यवस्था गर्नुपर्छ । उनले आयोजकलाई यो पनि भनेका छन् कि जापान प्रवेश गर्ने क्रममा उनीहरुले खोप लगाए÷नलगाएकोबारे प्रष्ट हुनुपर्छ ।

आईओसीले यसअघि खेलाडीहरुलाई खोप लगाउन बाध्य नपारिने वक्तब्य दिएको थियो । तर उनले भने, ‘सँगसँगै आईओसी र अन्तर्राष्ट्रिय पाराओलम्पिक कमिटीले खेलका लागि सहभागी बिदेशी खेलाडीको सम्भावित खोप कार्यक्रममा गठबन्धन तयार गरिरहेको छ,’ उनले थपे, ‘खेलाडी भनेको महत्वपूर्ण रोलमोडल हो । र खोप लगाएपछि उनले महत्वपूर्ण सन्देश दिन सक्छन् कि खोप अभियान केवल व्यक्तिगत स्वास्थ्यका लागि मात्र होइन, यो त समुदायमा अर्काको हितका लागि एकजुटता पनि हो ।’

यसअघि बिहीबार जापानी प्रधानमन्त्री योशिहिदे सुगाले शहरमा संकटको अवस्था भन्दै आपतकालको घोषणा गरेका थिए । उनले भने, ‘यो घोषणा टोकियो ओलम्पिक र यस गर्मीमा सुरक्षित खेल आयोजनाका लागि अवसर प्रदान गर्नेछ ।’

टोकियोमा बिहीबार २ हजार ४ सय ४७ नयाँ संक्रमित थपिएका छन् । आपतकाल र नयाँ नियमले रेस्टुरेन्ट र बारहरुलाई लक्षित गर्नेछ । साँझ ७ बजेपछि रक्सी बेच्न र त्यसको १ घण्टापछि पनि बार खोलिरहन बन्देज लगाइएको छ ।

कोरोना भाइरसको महामारी रोक्नका लागि गरिएका प्रयासहरुका कारण ओलम्पिक आयोजनाको लागत २.८ विलियन अमेरिकी डलर थपिएको छ ।

प्रतिक्रिया

Leave a Reply

Your email address will not be published. Required fields are marked *

नेपाल अपडेट ट्रेन्डिङ