रुपन्देहीकाे ओली पक्षीय अखिलमा नयाँ नेतृत्व – Nepal Press

रुपन्देहीकाे ओली पक्षीय अखिलमा नयाँ नेतृत्व

रुपन्देही । नेकपा विवादको असर जिल्ला स्तरका भातृ संगठनमा समेत देखिन थालेको छ । रुपन्देहीमा नेकपा (ओली समूह) निकट अखिल नेपाल राष्ट्रिय स्वतन्त्र विद्यार्थी युनियन अनेरास्ववियुको नयाँ नेतृत्व चयन गरेको छ ।

बुटवल बहुमुखी क्याम्पसमा सम्पन्न अखिल कार्यकर्ताहरुको भेलाले साजन भण्डारीको संयोजकत्वमा नयाँ जिल्लासमिति चयन गरेको हो । उक्त भेलाले शेषकान्त पोखरेललाई सहसंयोजकमा चयन गरेको छ ।

कार्यक्रममा निर्वाचित नयां जिल्ला समितिलाई नेकपा रुपन्देहीका जिल्ला अध्यक्ष शिवराज सुवेदी, अनेरास्ववियू स्थायी कमिटी सदस्य यम पाण्डे लगायत पार्टी र अनेरास्ववियूका नेताहरुले बधाई तथा शुभकामना दिएका थिए ।

कार्यक्रममा बोल्ने वक्ताहरुले राजनितिक घटनाक्रमलाई सही मार्गमा हिंडाउन युवा विद्यार्थीहरुको भूमिका महत्वपूर्ण हुने बताए । युवा विद्यार्थीहरुको हकहित र अधिकारको लागि लड्ने संगठन भनेको अनेरास्ववियू नै रहेकोले अनेरास्ववियूको झण्डामूनि गोलबन्द हुन आग्रह गरे ।

नवनिर्वाचित संयोजक भण्डारीले जिल्लामा रहेका विद्यार्थीहरुको हकहित र अधिकारको लागि संगठनलाई क्रियाशील बनाउने बताए ।

प्रतिक्रिया

Leave a Reply

Your email address will not be published.

सम्बन्धित खवर